“Ailəsi istəsə Ahmet Kayanın məzarı Türkiyəyə köçürüləcək”.
Türkiyənin Avropa əlaqələri naziri Egemən Bağış Paris səfəri çərçivəsində kürd əsilli müğənni Ahmet Kaya və rejissor Yılmaz Güneyin məzarını ziyarət edib. Türkiyəli nazir “Bu gün qazandığımız azadlıqların fərqində deyilik ancaq kimlərsə o azadlıqlar uğrunda mübarizə aparıb, bu yolda canından keçib. Ahmet Kaya bu azadlıqların əvəzini qürbətdə vətən həsrətiylə ölərək ödəyib” deyib.
Ahmet Kayanın baş nazir Ərdoğanı həbsxanaya “Şafak türküsü” ilə yola saldığını deyən Bağış “Keşkə bütün bunlar yaşanmasaydı və Ahmet Kaya mahnıları, bəstələri ilə azadlıq üçün ilham verməyə davam etsəydi” söyləyib.