Van Damma qarşı skandal iddia irəli sürülüb

   Van Damma qarşı skandal iddia irəli sürülüb
  02 Aprel 2025    Oxunub:572
64 yaşlı məşhur Hollivud aktyoru Jan-Klod Van Damm Rumıniyada azyaşlıları da əhatələyən insan alveri şəbəkəsinin xidmətlərindən yararlanmaqda təqsirləndirilir.
Zərərçəkmiş şəxslərdən birinin vəkili Adrian Kukulis ölkənin "Pro TV" telekanalına açıqlamasında diqqətə çatdırıb ki, hazırda məsələ ilə əlaqədar Rumıniya Prokurorluğunun Mütəşəkkil Cinayətkarlıq və Terrorizmlə Mübarizə İdarəsi tərəfindən cinayət işi açılıb.

"Aktyor Jan-Klod Van Damma qarşı eyni vaxtda 5 azyaşlı rumıniyalı qızın cinsi xidmətlərindən yararlanmaq ittihamı irəli sürülüb", - vəkil vurğulayıb.

Kukulisin sözlərinə görə, azyaşlı qızlardan birinin ifadəsi də iddianı təsdiqləyir. O bildirib ki, hadisə Fransanın Kann şəhərində baş verib. Hazırda cinayət işi üzrə araşdırma aparılır.

Jan-Klod Van Damm özü iddialarla əlaqədar hələlik hər hansı açıqlama verməyib.

Firudin Həmidli
AzVision.az


Teqlər: aktyor   insan-alveri   azyaşlılar  





Xəbər lenti