Qrossi BMT-nin baş katibi olmaq istəyir

   Qrossi BMT-nin baş katibi olmaq istəyir
  02 Aprel 2025    Oxunub:625
Argentinalı diplomat və Beynəlxalq Atom Enerjisi Agentliyinin (MAQATE) baş direktoru Rafael Qrossi BMT-nin baş katibi postuna namizədliyini irəli sürmək niyyətini təsdiqləyib.
AzVision.az xəbər verir ki, portuqaliyalı Antonio Quterreşin səlahiyyət müddəti bitdikdən sonra BMT-nin baş katibi vakansiyası 2026-cı ildə boş qalacaq.

Quterreşin varisinin seçilməsi prosesi 2025-ci ilin sonunda, BMT Baş Assambleyası çərçivəsində müvafiq çağırış dərc ediləcəyi vaxt başlayacaq.

“Mən bu barədə düşünürəm və çox ciddi düşünürəm. İndiki məqamda hələlik yalnız bunu deyə bilərəm”, - Rafael Qrossi Argentina Xarici Əlaqələr Şurasının (CARI) iclasında deyib.

Onun sözlərinə görə, beynəlxalq təşkilatın baş katibi vəzifəsinə namizədi kimi irəli sürülməsi Argentina üçün şərəf olardı.

Sahil İsgəndərov
AzVision.az


Teqlər: Qrossi   BMT  





Xəbər lenti