AzVision.az “İnterfaks”a istinadən xəbər verir ki, nəticələr “Gallup İnternational” təşkilatının ənənəvi olaraq keçirdiyi “Qlobal sevinc və kədər barometri” sorğusu zamanı əldə olunub. Bu il sorğuda 54 ölkədən 60 min insan iştirak edib və onlar özlərini ölkələrində nə dərəcədə xoşbəxt hiss etmələri ilə bağlı sualları cavablandırıb. Alınan cavablar qlobal xoşbəxtlik indeksinin hesablanmasında istifadə olunub.

Azərbaycanla yanaşı onluğa düşən ölkələr arasında Latın Amerikası ölkələri, Finlandiya və İsveçrə də var. Qonşu Rusiya bu il siyahıda 33-cü, Almaniya 37-ci, Fransa 36-cı, Amerika isə 34-cü yerdə qərarlaşıb.

Nəticələrə əsasən, dünya əhalisinin yarıdan çoxu özünü xoşbəxt hiss edir. Dünyada yaşayan hər 8 insandan biri (13%) özünü bədbəxt hesab edir. Respondetlərin üçdə-biri (32%) isə şəxsi həyatlarında heç bir yenilik və xoşbəxtlik olmamasına rəğmən özlərini bədbəxt hesab etmədiklərini deyib.

Bu il dünyanın ən bədbəxt ölkələri arasında Livan (-49), Fələstin (-11) və Rumıniya (-10) yer alıb. Qeyd edək ki, Rumıniyada ötən il də anoloji nəticələr qeydə alınıb.

Beləliklə, ötən il olduğu kimi bu il də dünya ölkələrinin xoşbəxtlik indeksi 40% səviyyəsindədir.