ASAN Könüllülərindən yeni tamaşa - FOTOLAR

ASAN Könüllülərindən yeni tamaşa - FOTOLAR
  28 Oktyabr 2015    Oxunub:3250
Ötən gün ASAN Könüllüləri Mədəniyyət və Turizm Nazirliyi ilə birgə əməkdaşlıq çərçivəsində Cəfər Cabbarlının “Solğun çiçəklər” əsərini səhnələşdirib.

Gəncə Dövlət Dram Teatrının aktyoru, əməkdar artist Faiq Qasımovun rejissorluğu ilə hazırlanan tamaşada Gəncə “ASAN xidmət” mərkəzinin cari və məzun könüllüləri rol alıblar.

Gecədə Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov, Cəfər Cabbarlının nəvələri Bəhlul Abbasov, Qəmər Seyfəddinqızı (Cəfər Cabbarlı ev-muzeyinin direktoru) və digər qonaqlar iştirak ediblər.

Gənclərin aktyorluq bacarığı, səhnə mədəniyyəti tamaşaçılar tərəfindən rəğbətlə qarşılanıb.
Qeyd edək ki, ASAN könüllüləri fəaliyyətə başladığı gündən etibarən Azərbaycanın dahi şəxsiyyətlərinin həyat və fəaliyyətinin öyrənilməsi və gənclərə aşılanması üçün müxtəlif təqdimatlar hazırlayır.

Bu təqdimatlar sonda geniş auditoriyaya təqdim olunur. Azərbaycan ədəbiyyatının, xüsusən dramaturgiyasının ən görkəmli nümayəndələrindən biri Cəfər Cabbarlının əsərinin səhnələşdirilməsi də məhz bu qəbildəndir.

Qalereya




Teqlər:





Xəbər lenti


Azvision.az ©2014 | Bütün hüquqları qorunur