Erməni əsir Azərbaycan vətəndaşı olmaq istəyir
Bu barədə AzVision.az-a açıqlama verən E. Behbudov bildirib ki, Arsen Baqdasaryan görüş zamanı Azərbaycan vətəndaşı olmaq istədiyini söyləyib:
“Arsen Baqdasaryanın saxlanma şəraitindən, ona qarşı münasibətdən qətiyyən şikayəti yoxdur. Arsen Baqdasaryan Azərbaycan vətəndaşı olmaq istəyir.
Mən də ona dedim ki, bəlkə səni elə sünnət edib, müsəlman edək. O isə müsəlman olmaq istəmədiyini bildirdi.
O, həmçinin Ermənistanda vəziyyətin yaxşı olmadığını dedi. Arsen bildirdi ki, Ermənistandakı hərbi hissələrdə əsgərlərə vaxtı keçmiş, köhnə ərzaqlar verilir”.
Qeyd edək ki, ötən il dekabrın 26-da axşam saatlarında cəbhənin Ağdam rayonu istiqamətində ermənilərin kəşfiyyat-təxribat qrupu qoşunların təmas xəttini keçməyə cəhd göstərib.
Müdafiənin ön xəttində yerləşən bölmələrimizin sayıqlığı nəticəsində düşmənin bu cəhdinin qarşısı əvvəlcədən aşkar edilərək alınıb. Qısa atışmadan sonra xeyli sayda itki verərək geri çəkilən düşmənin kəşfiyyat-təxribat qrupunun üzvü, peşəkar hərbi qulluqçu Baqdasaryan Arsen Eduardoviç əsir olaraq ələ keçirilib.
Hafiz Əhmədov