22 noyabr 2014-cü il tarixində Novxanı AF oteldə, saat 10.00-da Azərbaycan Respublikasının Gənclər və İdman Nazirliyinin, Milli Olimpiya Komtəsinin, Milli Paralimpiya Komitəsinin və “Əlil İdmançılara dəstək” ictimai birliyinin dəstəyilə Azərbaycan Peyntbol Federasiyası tərəfindən Qarabağ müharibəsi veteranları və əlilliyi olan şəxslər arasında Peyntbol turniri keçiriləcək. Turnirin açılış mərasimində Paralimpiya Komitəsinin və Peyntbol Federasiyasının rəhbəri də iştirak edəcək.

Azərbaycan Respublikası Peyntbol Federasiyası turniri gənclər arasında hərbi vətənpərvərlik ruhunun artırılıması, onların hər an Ali Baş Komandan İlham Əliyevin əmrinə hazır olmasının təbliğ etmək üçün Qarabağ müharibəsi veteranları və əlilliyi olan şəxslərin vətənpərvərlik sahəsində bir örnək kimi göstərilməsi məqsədi ilə keçirir.

Təsdiq edilmiş rəsmi əsasnaməsinə görə turnir Azərbaycan Respublikasında qeydiyyatdan keçmiş və Azərbaycan Respublikasının qanunlarına əsasən fəaliyyət göstərən bütün müharibə veteranları və əlilliyi olan şəxslərin birlikləri arasında keçirilir.

Turnirdə iştirak edəcək komandalar 2 nəfər əlil arabası istifadəçisi, 2 nəfər amputasiyalı və 2 nəfər digər əlillik dərəcəsi olmaqla 6 (altı) nəfərdən ibarət olmalıdır. İştirakçı komandalar onları təşkil edən müvafiq orqanının rəhbər və məsul şəxsləri tərəfindən və ya komandaların kapitanları tərəfindən adlandırılmalıdır.

İştirakçı komandaların kapitanı komanda üzvləri yaxud komandanı təşkil edən təşkilatın rəhbərliyi tərəfindən müəyyən edilməlidir.

Turnirdə iştirak etmək üçün iştirakda maraqlı olan şəxslər 6 (altı) nəfərdən ibarət olmalı olan Komanda və onun tərkibi barədə yazılı məlumatla 21 noyabr 2014-cü il tarixədək turnirin təşkili üzrə kurator Abdullaieyva Cəmilə Sabir qızına müracit etməlidirlər.
Əlaqə üçün telefonlar:
+99412- 5644235,
+99450-442-20-07
Elektron poçt : [email protected];

Turnirdə iştirak edəcək komandaların 22 noyabr 2014-cü il tarixində saat 9.30 – da Azərbaycan Respublikasının Gənclər və İdman Nazirliyin qarşısından oyun meydançasına yola düşmələri və qayıtmaları Federasiya tərəfindən təmin ediləck.

Turnirdə zəruri avadanlıq, geyim və sair ləvazimatlar da Federasiya tərəfindən yerində təmin olunacaq.
Qalib Komandalara diplomlar, medallar təqdim ediləcək.