Daha əvvəl bildirilmişdi ki, Qəzza zolağında dolayı atəşkəs danışıqlarında HƏMAS vasitəçilərdən və ABŞ rəhbərliyindən İsraili anklavı atəşə tutmağı dayandırmağa məcbur etməsi tələbini qoyub.
|
| İsrai-HƏMAS razılaşması | detallar |
“Qəzzada hərbi əməliyyatların dayandırılmasını və girovların azad edilməsini nəzərdə tutan razılaşma səs çoxluğu ilə təsdiqlənib. Milli Təhlükəsizlik naziri İtamar Ben-Qvir və onun “Otsma Yehudit” partiyasından olan bütün nazirlər razılaşmanın əleyhinə səs veriblər. Eləcə də, biri istisna olmaqla, Maliyyə naziri Betsalel Smotriç və onun “Tsiont Datit” partiyasını təmsil edən nazirlər də sazişi dəstəkləməyiblər”, - İsrail mediası yazır.
ABŞ prezidentinin elçisi Stiven Uitkoff və Donald Trampın kürəkəni Cared Kuşner girovların azad olunması planını təsdiqləmək üçün İsrail hökumətinin iclasında iştirak ediblər.
Razılaşma İsrail hökuməti tərəfindən təsdiqləndikdən 24 saat sonra qüvvəyə minəcək. Bundan əlavə, “sıfır saat”dan sonra 24 saat ərzində ÇAXAL Qəzza zolağının bir neçə rayonundan geri çəkilməlidir.
Bununla belə, Müdafiə naziri İsrael Kats İsrail qüvvələrinə hər hansı təhlükə və ya zərər olarsa, ÇAXAL-a Qəzza zolağında HƏMAS-a qətiyyətlə cavab verməyi tapşırıb.
Sahil İsgəndərov
AzVision.az
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
