Səfər ərəfəsində Türkiyə ABŞ mallarına əlavə vergini ləğv edib. Həmin vergi 2018-ci ildə amerikalı keşiş Endryu Bronsonun həbsi nəticəsində yaranan gərginlik zamanı tətbiq edilmişdi.
Səfər zamanı “F-35” təyyarələri ilə bağlı yaranmış vəziyyətə aydınlıq gətiriləcəyi də gözlənilir. Yada salaq ki, ABŞ Türkiyəyə “Patriot” sistemləri satmadığı üçün Ankara Rusiyadan “C-400” raketləri almış, nəticədə Vaşinqton onu “F-35” layihəsindən kənarlaşdırmışdı. Məhz bu mövzu Türkiyənin ABŞ və NATO ilə münasibətlərinin korlanmasında əsas rolu oynamışdı.
“Bloomberg”ə görə Ankara 40 ədəd “F-35”, 40 ədəd “F-16 Viper” almaq niyyətindədir. Türkiyənin Rusiyadan aldığı “С-400” hava hücumundan müdafiə sistemləri üzərində ABŞ-nin nəzarət mexanizminin yaradılması haqqında da müzakirə aparılacaq. Amma Vaşinqtonun təzyiqlərinə baxmayaraq, Türkiyə “C-400”lərdən tam imtina etməyi düşünmür.
Sərnişin təyyarələrinə gəlincə, hazırda Türkiyə hökuməti “Turkish Airlines” şirkətini ölkənin dünyadakı əsas brendlərindən birinə çevirmək istiqamətində çalışır. Buna görə də “Boeing Co.” İlə $900 milyardlıq müqavilə imzalanacaq.
Bu gün keçirdiyi mətbuat konfransında Rəcəb Tayyib Ərdoğan Qəzza məsələsinin və Suriyadakı vəziyyətin əsas müzakirə mövzularından olacağını da vurğulayıb.
Tariyel Həsənov
AzVision.az
Ərdoğan Trampla görüşməyə gedir: Böyük müqavilələr imzalanacaq
22 Sentyabr 2025
Oxunub:1178
Sentyabrın 25-də Türkiyə prezidenti Rəcəb Tayyib Ərdoğan ABŞ-yə səfəri çərçivəsində amerikalı həmkarı Donald Trampla görüşəcək. Görüş zamanı zamanı Türkiyənin ABŞ-dən 250 mülki təyyarə və yeni “F-16” qırıcıları almasına dair müqavilələr imzalanacaq. “Bloomberg” yazır ki, artıq “Boeing Co.” Və “Lockheed Martin Corp.” hazırlığa başlayıblar.
Teqlər: Ərdoğan Tramp Türkiyə ABŞ
Vaxtında, Aydın, Lazımlı!
-1780404767.jpg&h=120&w=187&zc=1&q=70')
