Rusiya ilə Gürcüstan sərhədində rekord növbələr yaranıb

   Rusiya ilə Gürcüstan sərhədində rekord növbələr yaranıb
  23 Sentyabr 2022    Oxunub:454
Rusiya-Gürcüstan sərhədində ilin əvvəlindən rekord sayda avtomobil növbəsi yaranıb. Bu barədə RBC yazır.
Federal Gömrük Xidmətinin məlumatına görə, sentyabrın 23-ü saat 06:00-a olan məlumata görə, Yuxarı Lars keçid məntəqəsinin qarşısında 1715 avtomobildən ibarət növbə düzülüb. Qeyd olunur ki, bu, ilin əvvəlindən bəri maksimum göstəricidir.

Öz növbəsində, Şimali Osetiya üzrə Daxili İşlər Nazirliyi TASS-a bildirib ki, respublika ərazisində Yuxarı Lars keçid məntəqəsi vasitəsilə Gürcüstana daxil olmaq üçün növbə gözləyən iki mindən çox avtomobil yığılıb.

Şimali Qafqaz Gömrük İdarəsinin məlumatına görə, son üç gündə Yuxarı Lars keçid məntəqəsi vasitəsilə Rusiyanı tərk etmək istəyənlərin sayı kəskin artıb.

Bundan əlavə, sentyabrın 22-də Finlandiya ilə sərhəddə iki məntəqədə - Torfyanovka və Brusniçnoyedə sutkada sərhədi keçən avtomobillərin sayına görə rekord qeydə alınıb. Gün ərzində müvafiq olaraq 989 və 890 avtomobil keçib.

Şahanə Rəhimli
AzVision.az

Teqlər:







Xəbər lenti