Azərbaycanla Qırğızıstan arasında hava əlaqəsi yaradılacaq

   Azərbaycanla Qırğızıstan arasında hava əlaqəsi yaradılacaq
  24 İyun 2022    Oxunub:379
Azərbaycan və Qırğız respublikaları arasında hava əlaqəsi yaradılacaq.
Bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçiriləcək iclasının gündəliyinə daxil edilən “Azərbaycan Respublikası Hökuməti ilə Qırğız Respublikası Nazirlər Kabineti arasında hava əlaqəsi haqqında” Sazişin təsdiq edilməsi barədə” qanun layihəsində əksini tapıb.

Qanun layihəsində qeyd edilib ki, tərəflər bu sazişi öz dövlətlərinin müvafiq əraziləri arasında hava əlaqəsini yaratmaq məqsədilə razılığa gələrək imzalayıblar. Bu saziş razılığa gələn tərəflərin onun qüvvəyə minməsi üçün zəruri olan dövlətdaxili prosedurları yerinə yetirməsi barədə sonuncu yazılı bildirişin diplomatik kanallarla alındığı tarixdən qüvvəyə minir. Saziş qeyri-müəyyən müddətə bağlanılıb.(APA)

AzVision.az

Teqlər:







Xəbər lenti