Paşinyan qeyd edib ki, indiki müxalifət hakimiyyətdə olarkən “məxməri inqilab”ın ayaq yürüşlərini məsxərəyə qoyub, indi rayonlardan İrəvana qədər belə yürüşlər keçirirlər.

"Onlar o vaxt etirazçıların geyindiyi bel çantalarına gülürdülər, amma indi şəhər mağazalarında kürək çantaları ikiqat bahalaşıb. Yəqin ki, satıcılar yeni müştərilərin pula ehtiyacının olmadığını görüblər", - baş nazir bildirib.

Paşinyan zarafatla bildirib ki, tezliklə sahibsiz itlərə tələbat artacaq:

"2018-ci ilki yürüşümüzdə bizi İrəvana qədər it müşayiət edirdi. İndi isə it hazırki müxalifətçilərlə getməli olacaq".

Paşinyan xəbərdarlıq edib ki, demokratiya dövlətin zəifliyi demək deyil və kritik pozuntular baş verərsə, dövlət aparatı bu pozuntuların qarşısını almaq üçün bütün ciddiliyi ilə hərəkət edəcək.

Şahanə Rəhimli
AzVision.az