Vyana Texnologiyalar Universiteti Bakıda magistr proqramına başlayır

  11 Avqust 2020    Oxunub : 3390
Vyana Texnologiyalar Universiteti Bakıda magistr proqramına başlayır
Vyana Texnologiyalar Universiteti Bakıda ilk magistr proqramına müsabiqə elan edib.
Avropa və Amerikada xeyli rəğabət qazanmış bu proqramı başa vuran yüzlərlə məzun karyeralarında yüksəlişə nail olublar.

Xarici universitetlərin yüksək səviyyəli ixtisaslarına yiyələnmək indi daha asan oldu. Avropa qitəsinin ən qabaqcıl ali təhsil müəssisələrindən olan Vyana Texnologiyalar Universitetinin “Mühəndisliyin İdarə edilməsi” (“Engineering Managment”) adlı magistr proqramı müasir əmək bazarının tələbatlarına uyğun daim yenilənən kontenti ilə cari ilin noyabr ayından etibarən Bakıda fəaliyyət göstərəcək.

Bu Magistr Proqramını başa vuran məzunlar Vyana Texnologiyalar Universitetinin diplomunu əldə edir, bundan əlavə təhsil müddətində Avropa Universitetlərinin tələbələrinə şamil olunan imkanlardan yararlana biləcəklər. Belə ki, təhsil müddətində tələbələr Avstriyada yaşamaq hüququnu alır, universitet kampusundan, kitabxanasından faydalana bilir, universitetin məzunlar klubunun üzvü olur və sair.

Proqramda nəzərdə tutulmuş dərslər yalnız ingilis dilində ayda bir dəfə həftəsonunda keçirilən 13 modul üzrə paylanıbdır. Beləliklə, 11 modul Bakıda, 2 birləşmiş modul isə Vyana şəhərində tədris olunacaqdır. Təhsil müddəti 3 semestrdir və 2020-ci ilin Noyabr ayından 2022-ci ilin May ayınadək davam edəcək. Dərslər həm akademik, həm də sənaye sahəsinin beynəlxalq səviyyəli peşəkar mütəxəssisləri tərəfindən tədris olunacaqdır. Proqrama hər hansı bir sahədə bakalavr dərəcəsi olan namizədlər müraciət edə bilər.

Bakıda təhsil almaq istəyən Azərbaycan, Gürcüstan, Rusiya, İranQazaxıstan vətəndaşları, habelə sadalanan ölkələrdə yaşayış icazəsi olan digər ölkə vətəndaşları üçün təqaüd tətbiq olunacaq və təhsil haqqı 11.500 Avro səviyyəsində hesablanacaq.

Qeyd edək ki, Vyanada bu proqramın təhsil haqqı 19.900 Avro təşkil edir.

İdarəetmədə yüksəlmək istəyənlər Bakıda fəaliyyətinə başlayan Vyana Texnologiyalar Universitetinin proqramına qatılmaqla öz hədəflərinə nail ola bilərlər. Bunun üçün 31 Avqust 2020 il tarixinədək doldurulmuş anket [email protected] email ünvanına göndərilməlidir.

Qəbul üçün tələb olunan sənədlərin siyahısı ilə https://azvision.az/redirect.php?url=http://tuwien.at/baku-track linkə keçid edərkən tanış olmaq olar. Proqram keyfiyyətinə nəzarət məqsədiylə nəzərdə tutulan tələbə sayı məhdudlaşdırılıbş

Odur ki, müraciət üçün tələsin, yerlər məhduddur!
Əlavə məlumat üçün: www.azerobotics.com/embaku/

Teqlər: Vyana