Son məlumatlara görə, dekabrın 30-da səhər saatlarında Volqoqrad şəhərində törədilən terror aktı nəticəsində ölənlərin sayı artaraq 15 nəfərə çatıb.
AzVision.az İTAR-TASS agentliyinə istinadla xəbər verir ki, 12 nəfər hadisə yerində həlak olub, 2 nəfər xəstəxanaya aparılarkən yolda keçinib, daha 1 nəfər isə xəstəxanada ölüb. Beləliklə, şəhərdə son bir sutka ərzində törədilən iki terror aktında 32 nəfər həlak olub, 70 nəfər yaralanıb.
İnterfaks agentliyinin yaydığı xəbərə görə, trolleybusda partladılmış bombanın gücü azı 4 kiloqram trotil ekvivalentinə bərabər olub. Partlayışın təsirindən yaxınlıqda yerləşən binaların pəncərə şüşələri qırılıb. Hazırda şəhər sakinləri ictimai nəqliyyata minməkdən çəkinir.
Qeyd edək ki, bazar günü Volqoqradın mərkəzi dəmir yolu vağzalında törədilən terror aktı nəticəsində isə 17 nəfər həlak olub.
Hər iki partlayışın terrorçu-kamikadze tərəfindən törədildiyi bildirilir.
Volqoqradda nəqliyyata minməyə qorxurlar - VİDEO
31 Dekabr 2013
Oxunub:1187
Volqoqradda bir sutkada törədilən iki terror aktı nəticəsində həlak olanların sayı 32 nəfərə çatıb.
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
