Mərkəzi Bankı uçot dərəcəsini sabit saxladı

 Mərkəzi Bankı uçot dərəcəsini sabit saxladı
  19 Mart 2020    Oxunub:2296
Mərkəzi Bankın İdarə Heyəti uçot dərəcəsinin 7.25% səviyyəsində dəyişməz saxlanılması haqqında qərar qəbul edib. Faiz dəhlizinin yuxarı həddi 9% saxlanılmaqla aşağı həddi 6.75%-ə qaldırılıb.
Bu barədə Azvision.az -a Mərkəzi Bankın Mətbuat xidmətindən məlumat verilib.

Bildirilib ki, yaranmış vəziyyətdə Mərkəzi Bank qlobal mühitdə və ölkə iqtisadiyyatında gedən prosesləri gündəlik əsasda monitorinq edir, xarici şokun ölkə iqtisadiyyatına təsirlərinin miqyasını qiymətləndirmək üçün davamlı təhlillər aparır.

Qərar 19 mart 2020-ci il tarixindən qüvvəyə minir. Mərkəzi Bankın İdarə Heyətinin faiz dəhlizinin parametrləri barədə növbəti qərarı 2020-ci il may ayının 1-də ictimaiyyətə açıqlanacaq və bununla bağlı mətbuat konfransı keçiriləcək.

Azvision.az



Teqlər: Mərkəzi-Bank  





Xəbər lenti