Gömrükdə daha bir qaçaqmalçılığın qarşısı alındı

  26 Avqust 2019    Oxunub : 642
Gömrükdə daha bir qaçaqmalçılığın qarşısı alındı
Baş Gömrük İdarəsinin "Samur" gömrük postunun idxal-gömrük nəzarəti xəttinə Rusiya istiqamətindən daxil olan Azərbaycan vətəndaşının idarə etdiyi "Kamaz" markalı yük nəqliyyat vasitəsinə gömrük baxışı keçirilib.
Dövlət Gömrük Komitəsindən Azvision.az -a verilən məlumata əsasən, yoxlama zamanı yük avtomobilinin alt hissəsində, nəqliyyat vasitəsi üçün nəzərdə tutulan ümumilikdə 6 adda 43 ədəd ehtiyat hissələri aşkar edilib.

Bundan başqa, "Samur" gömrük postunun idxal-nəzarət xəttinə Rusiya istiqamətindən daxil olan "DAF" markalı yük maşının "Belomorkanal" markalı papiroslar aşkarlanıb.

Azərbaycan vətəndaşının idarə etdiyi yük avtomobilinə baxış keçirən gömrükçülər, nəqliyyat vasitəsinin oturacağının altında, ön panelin və taxoqrafın arxasında ümumilikdə 50 qutu "Belomorkanal" markalı papirosların gizlədildiyini müəyyən ediblər.

Azvision.az

Teqlər: DGK