ABŞ-ın dövlət borcu rekord həddə çatıb
Azvision.az xəbər verir ki, bu barədə ABŞ Maliyyə Nazirliyinin məlumatında deyilir. Bildirilir ki, hazırda ABŞ-ın dövlət borcu 22,012 trilyon dollardır. Lakin 2019-cu ilin fevralın əvvəlindən başlayaraq bu rəqəm daha 90 milyard dollar artıb.
“Usa Today” isə bildirir ki, Donald Trampın prezidentliyi dövründə ABŞ-ın dövlət borcu sürətli templərlə artmağa başlayıb. Buna səbəb Trampın vergi islahatları və hərbi xərcləri artırmasıdır. Təkcə ötən maliyyə ili üzrə ABŞ-ın büdcə kəsiri 17 faiz çoxalaraq 779 milyard dollara çatıb.
Qeyd olunur ki, ABŞ hökumətinin büdcə xərclərinə heç cür nəzarət olunmadığından, ölkənin dövlət borcu artmağa davam edəcək.
Leyla Elbrusqızı
Azvision.az