100 kq çəki dərəcəsində çıxış edən cüdoçumuz Elmar Qasımov Olimpiadaya 1/16 final mərhələsindən başlayıb.
AzVision.az xəbər verir ki, cüdoçumuzun ilk rəqibi Olimpiya çempionu Taqir Xaybullayev olub. Elmar rəqibinə heç bir şans verməyib. Qasımov 1/8 finalda əlcəzairli Lyes Bouyakubla üz-üzə gələcək.
***
Elmar Qasımov növbəti qələbəsini qazanıb. O, səkkizdəbir final mərhələsində Əlcəzair idmançısı Lyes Bouyakouba qalib gələrək dörddəbir finala adlayıb.
Cüdoçumuzun dörddəbir finaldakı rəqibi Misir təmsilçisi Ramadan Dərviş olacaq. R.Dərviş 2016-cı ildə keçirilən böyüklər arasında cüdo üzrə Afrika çempionatının qalibidir.
***
Elmar Qasımov dörddəbir finalda Misir təmsilçisi Ramadan Dərvişi ippon fəndi ilə məğlub edərək yarımfinala vəsiqə qazanıb.
Azərbaycan idmançısı yarımfinal mərhələsində Artem Bloşenko (Ukrayna) - Karl-Riçard Frey (Almaniya) görüşünün qalibi ilə qarşılaşacaq.
***
Elmar Qasımov ukraynalı rəqibi Artem Bloşenko ilə görüşdən qalib ayrılaraq Olimpiya Oyunlarının finalına yüksəlib. E.Qasımov finala yüksəlməklə ən az gümüş medalı təmin edib.
Elmar Qasımovun final görüşündəki rəqibi müəyyənləşib. Həlledici görüşdə cüdoçumuzun rəqibi çexiyalı Lukas Krpaleki olacaq.
***
Elmar Qasımov final görüşündə çexiyalı Lukas Krpaleklə qarşılaşıb. Son dəqiqələrdə özünün fənd işlətməsi zamanı rəqibin əks fəndinə düşən Elmar ipponla məğlub olub. Bununla da cüdoçumuz gümüş medal qazanıb.
Qeyd edək ki, Azərbaycan Rioda 6 cüdoçu ilə təmsil olunur. Rüstəm Orucov (73 kq) ölkəmizə gümüş medal qazandırdığı halda, Orxan Səfərov (60 kq), Nicat Şıxəlizadə (66 kq) və Məmmədəli Mehdiyev (90 kq) yarışı medalsız başa vurub.
AzVision.az
Azərbaycan Rioda daha bir gümüş qazandı - Yenilənib
12 Avqust 2016
Oxunub:39014
Vaxtında, Aydın, Lazımlı!
-1732726561.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
