`AVRO-2016`da ikinci tur başlayır

`AVRO-2016`da ikinci tur başlayır
  15 İyun 2016    Oxunub:2852
Bu gün "Avro-2016"nın qrup mərhələsində II turun oyunlarına start veriləcək.

AzVision.az-ın məlumatına görə, ilk oyun günündə 3 qarşılaşma baş tutacaq.

Günün ilk qarşılaşması B qrupunda Rusiya və Slovakiya milliləri arasında baş tutacaq. İlk qarşılaşmada İngiltərə millisi ilə 1:1 hesablı heç-heçəyə razılaşan şimal qonşularımız, Uelsə 2:1 məğlub olan Slovakiya millisi ilə qarşılaşmada uğurlu başlanğıcın davamını gətirməyə çalışacaq. Qarşılaşmanın start fiti 17:00-da çalınacaq.

Növbəti oyun isə A qrupunda Rumıniya və İsveçrə milliləri arasında keçiriləcək. Turnirin açılış qarşılaşmasında ev sahibi Fransa millisinə 2:1 hesabı ilə məğlub olan Rumıniya, Albaniya seçməsinə 1:0 hesablı ilə qalib gələn İsveçrə qarşısında ilk qələbəsini qazanmağa çalışacaq. Matç 20:00-da başlayacaq.

İkinci turun ilk oyun günün son qarşılaşmasında Fransa millisi debutant Albaniya seçməsini sınağa çəkəcək. Oyun 23:00-da başlayacaq.

Avropa çempionatı
Qrup mərhələsi, II tur
15 iyun


B qrupu

17:00. Rusiya – Slovakiya
Baş hakim: Damir Skomina
Yan xətt hakimləri: Yure Praprotnik, Robert Vukan
Əlavə köməkçi hakimlər: Matey Juq, Slavko Vinçiç (hamısı Sloveniya)
Dördüncü hakim: Yonas Eriksson (İsveç)
Lill Metropol, "Stad Pyer Mauro"

A qrupu

20:00. Rumıniya – İsveçrə
Baş hakim: Sergey Karasyov
Yan xətt hakimləri: Nikolay Qolubev, Tixon Kalugin
Əlavə köməkçi hakimlər: Sergey Lapoşkin, Sergey İvanov (hamısı Rusiya)
Dördüncü hakim: Aleksey Kulbakov (Belarus)
Paris, "Park des Prinses"


23:00. Fransa – Albaniya
Baş hakim: Villiam Kolum (Şotlandiya)
Yan xətt hakimləri: Damien Makqreyt (İrlandiya), Fransis Konnor (Şotlandiya)
Əlavə köməkçi hakimlər: Bobbi Madden, Con Betton (hər ikisi Şotlandiya)
Dördüncü hakim: Mixail Oliver (İngiltərə)
Marsel, "Velodrom"

Kənan Məmmədov
AzVision.az


Teqlər:  





Xəbər lenti