ABŞ-ın yeni seçilmiş prezidenti Donald Tramp bildirib ki, dörd il ərzində bütün qeyri-qanuni miqrantları deportasiya etmək niyyətindədir. Bu barədə NBC telekanalı məlumat yayıb.
Onun sözlərinə görə, qeyri-qanuni mühacirlərin kütləvi surətdə deportasiyası yanvarın 20-də, yeni prezident rəsmən işə başladıqdan sonra başlayacaq. Dövlət başçısı deportasiyaya məhkum miqrantlardan başlayacağını bildirib.
Tramp əlavə edib ki, ailə üzvləri qeyri-qanuni miqrant olan ABŞ vətəndaşları seçim etməli ola bilərlər: ya ABŞ-da qalmalı, ya da miqrant ailə üzvləri ilə birgə deportasiyaya razı gəlməli. "Mən ailələri dağıtmaq istəmirəm, buna görə də onların birgəliyini təmin etmək üçün hamısını geri göndərmək lazımdır"-, Tramp deyib.
Onun sözlərinə görə, istisnalar "xəyalpərəstlər" üçün nəzərdə tutulub, yəni ABŞ-a qeyri-qanuni yollarla gənc yaşda daxil olmuş və artıq uzun illər bu ölkədə yaşayan insanlar qala biləcəklər.
Trampın sözlərinə görə, Meksikanın rəhbəri Klaudiya Şeynbaum ona qeyri-qanuni miqrasiya ilə mübarizədə köməklik göstərməyə söz verib.
Məhəmmədəli Həsənli
AzVision.az
Tramp bütün qeyri-qanuni miqrantları deportasiya edəcək
08 Dekabr 2024
Oxunub:1386
Tramp 4 il ərzində ABŞ-dan bütün qeyri-qanuni miqrantları deportasiya etmək planını açıqlayıb .
Teqlər:
Vaxtında, Aydın, Lazımlı!
-1733943478.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
