Ermənistanda etirazçılar dəmiryolunu bağladılar
Qeyd olunur ki, hazırda zavod işçilərinin etirazına Alaverdi şəhərinin yüzlərlə sakini də qoşulub və aksiya artıq kütləvi xarakter alıb.
“Alaverdi şəhərində ciddi sosial problem yaranıb. Yaşayış şərtlərinin ağırlığı və işsizlik üzündən emiqrasiya edənlərin və soyğunçuluq hallarının sayı getdikcə çoxalıb. Hazırda Alaverdidə, sadəcə, katastrofik vəziyyət hökm sürür” - mis kombinatının əməkdaşı Armen Kirakosyan erməni mediasına bildirib.
Qeyd edək ki, baş nazir Nikol Paşinyan hələ ötən ilin payızında Alaverdi mis kombinatının əhalinin sağlamlığına və təbiətə ziyan vurduğunu, işçilər üçün isə təhlükə yaratdığını əsas gətirərək zavodun bağlanmasına nail olub. Nəticədə, 2018-ci ilin 18 oktyabrında mis kombinatı fəaliyyətini rəsmən dayandırıb və “Bank VTB”nin (Ermənistan) mülkiyyətinə çevrilib. Bundan hiddətlənən 600 zavod işçisi Paşinyandan ya onları yeni iş yerləri ilə təmin etməyi, ya da kombinatın fəaliyyətinin bərpasını tələb edirlər.
Leyla Elbrusqızı
Azvision.az
Teqlər: Ermənistan Alaverdi