Bakı metrosunda iki cibgir tutulub

  21 Dekabr 2017    Oxunub : 1197
Bakı metrosunda iki cibgir tutulub
Dekabrın 19-da Bakı şəhər sakinləri Röya Hümbətovanın çantasından içərisində pulu və sənədləri olan pulqabısının metronun “28 May” stansiyasında qatarda, Naimə Rəhimovanın cibindən mobil telefonunun “Gənclik” stansiyasında platformada oğurlanması barədə Metropolitendə Polis Şöbəsinə müraciətlər daxil olub.
DİN-in mətbuat xidmətindən AzVision.az-a bildirilib ki, dərhal başlanılan əməliyyat-axtarış tədbirləri ilə şübhəlilər qısa vaxtda müəyyən edilərək saxlanılıblar.

Araşdırmalarla onların Naxçıvan şəhər sakini Rüfət Qasımov və Mingəçevir şəhər sakini, əvvəllər məhkum olunmuş Roman Hüseynov olduqları məlum olub. Onların digər cinayətlərdə iştirakının olub-olmaması araşdırılır.

AzVision.az

Teqlər: DİN