"Formula"da ən yüksək sürət Bakıda qeydə alınıb - CƏDVƏL

"Formula"da ən yüksək sürət Bakıda qeydə alınıb - CƏDVƏL
  29 İyun 2017    Oxunub:3239
Keçən il olduğu kimi bu il də ölkəmizdə baş tutan Qran Pridə yüksək sürətlər qeydə alınıb. Xatırladırıq ki, ötən il ölkəmizdə baş tutan ilk milli Qran Prinin sıralanma turunda Williams komandasının sürücüsü Valtteri Bottasın göstərdiyi 366.1 km/saat sürət uzun müddət (Meksika Qran Prisinədək) mövsümün rekordu qalmışdı.
Ötən ilki yarışda Lyuis Həmilton Neftçilər prospektindəki uzun düzlükdə 364.4 km/saat sürət yığa bilmişdi.

AzVision.az "f-1.az"-a istinadla xəbər verir ki, Bakı Şəhər Halqası hələ də ən sürətli şəhər trası statusunu saxlamaqdadır.

Arxada qalan 8 yarışdan sonra Bakıda göstərilən sürətlər yeni maşınlar arasında rekord olub. Yarışda qələbə qazanan Daniel Rikkardo bir gün əvvəl sıralanma turunun son sessiyasında qəza etsə də, bundan bir qədər əvvəl onun RB13-ü düzlükdə 356.3 km/saat sürət yığa bilib. Yarışın gedişində isə ən sürətli sürücü Valtteri Bottas olub – son metrlərdə ikinciliyə yüksəlməyi bacaran finlandiyalı sürücü bu il 354.4 km/saat sürətlə kifayətlənməli olub.



Mövsümün sonuna kimi bu sürətlər yalnız iki trasda yenilənə bilər – İtaliya və Meksika Qran Prilərini gözləməliyik…



Teqlər: #Formula-1  





Xəbər lenti


Azvision.az ©2014 | Bütün hüquqları qorunur