Güləşçimiz Cəmaləddin Maqomedov (125 kq) 1/2 final mərhələsində İran güləşçisi ilə qarşılaşıb.

Rəqibini 7:3 hesabı ilə məğlub edən Maqomedov finala vəsiqə qazanıb.

***
Hacı Əliyev (61 kq) 1/2 finalda mərhələsində İran təmsilçisi ilə qarşılaşıb. Rəqibini 8:1 hesabı ilə məğlub edən Əliyev finala vəsiqə qazanıb.

***
Güləşçimiz Murtazali Müslümov (70 kq) 1/2 finalda Qırğızıstan güləşçisi Ruslan Saybakasov ilə qarşılaşıb.

Rəqibini məğlub edən Müslümov finala vəsiqə qazanıb.

***
Güləşçimiz Şərif Şərifov (86 kq) 1/2 finalda İran güləşçisi Hassan Yazdanicharati ilə qarşılaşıb.

Son Olimpiya çempionu olan Yazdani güləşçimizi 11:0 hesabı ilə məğlub edərək finala yüksəlib. Şərifov bürünc medal uğrunda mübarizə aparacaq.

***
Güləşçimiz Cəmaləddin Maqomedov (125 kq) 1/4 final mərhələsində suriyalı Raca Alkrad ilə qarşılaşıb.

Rəqibini 10:0 hesabı ilə məğlub edən Maqomedov 1/2 finala vəsiqə qazanıb.

***
Güləşçimiz Murtazali Müslümov (70 kq) 1/4 finalda türkiyəli Zafer Dama ilə üz-üzə gəlib.

Rəqibini 6:0 hesabı ilə məğlub edən Müslümov yarımfinala yüksəlib.

***
Hacı Əliyev (61 kq) 1/4 final mərhələsində Tacikistan təmsilçisi ilə qarşılaşıb. Rəqibini 10:0 hesabı ilə məğlub edən Əliyev 1/2 finala vəsiqə qazanıb.

***
Güləşçimiz Şərif Şərifov (86 kq) 1/4 finalda Pakistan güləşçi ilə qarşılaşıb.

Rəqibini 11:1 hesabı ilə məğlub edən Şərifov 1/2 finala yüksəlib.


***
Hacı Əliyev (61 kq) 1/8 final mərhələsində Türkmənistan təmsilçisi Saparmurat Muradov ilə qarşılaşıb. Rəqibini 10:0 hesabı ilə məğlub edən Əliyev 1/4 finala vəsiqə qazanıb.

***
Güləşçimiz Şərif Şərifov (86 kq) 1/8 finalda Nazar Cabir Əl Muşattat (İraq) ilə qarşılaşıb.

Rəqibini 10:0 hesabı ilə məğlub edən Şərifov 1/4 finala yüksəlib.

***
AzVision.az xəbər verir ki, daha 4 çəkidə güləşçilərimiz mübarizəyə qoşulacaq.

Hacı Əliyev (61 kq) 1/8 final mərhələsində Türkmənistan təmsilçisi Saparmurat Muradov ilə qarşılaşacaq.

Murtazali Müslümov (70 kq) 1/4 finalda türkiyəli Zafer Dama ilə üz-üzə gələcək.

Şərif Şərifov (86 kq) 1/8 finalda Nazar Cabir Əl Muşattat (İraq) ilə mübarizə aparacaq.

Cəmaləddin Maqomedov (125 kq) 1/4 final mərhələsində suriyalı Raca Alkrad ilə qarşılaşacaq.

Qeyd edək ki, yarışın ilk günündə sərbəst güləşçilərimiz 2 qızıl və 1 gümüş medal qazanıb.

AzVision.az