Bakıda məscidin yanında partlayış - 2 yaralı

15:15   19 Fevral 2015    Oxunub: 2658

Bir saat öncə Keşlə qəsəbəsində məscidin yanında partlayış baş verib, nəticədə iki nəfər ciddi xəsarət alıb.

AzVision.az xəbər verir ki, bu barədə Vesti.Az-a Nizami rayon 23-cü Polis Bölməsindən bildiriblər.

Partlayış nəticəsində 25 yaşlı Sayılov Elşən Rövşən oğlu və onun yaxın qohumu 53 yaşlı Sayılov Qabil Vəliyulla oğlu xəsarət alıblar.

Hər iki zərərçəkən dəmir məmulatların hazırlandığı sexin işçiləridir, partlayış da məhz burada baş verib.

Zərərçəkənlər Respublika Yanıq Mərkəzinə çatdırılıblar. Elşən Sayılovun vəziyyəti həkimlər tərəfindən kritik qiymətləndirilib.

İstintaq zamanı müəyyən edilib ki, partlayışa səbəb qaynaq zamanı içində alışan maddə olan plastik çənə qığılcımın düşməsi olub.

Partlayış nəticəsində yanğın baş verib. 30 kvadrat metr sahə yanıb. Bildirilib ki, FHX alovu artıq söndürüb.

AzVision.az

Teqlər:  




Rubrikanın digər yazıları