Ermənistanda `donuz qripi` sürətlə yayılır - 10 ölü

Ermənistanda `donuz qripi` sürətlə yayılır - 10 ölü
  13 Yanvar 2016    Oxunub:1764
İrəvanda “donuz qripi”ndən daha iki nəfər ölüb.
AzVision.az Ermənistan KİV-inə istinadən xəbər verir ki, bunu Ermənistan Səhiyyə Nazirliyinin rəsmisi Anait Arutyunyan deyib. Onun sözlərinə görə, ölənlərdən biri 10 gün əvvəl müraciət edib. Həkimlərin müdaxiləsinə baxmayarq onun həyatını xilas etmək mümkün olmayıb. Eyni zamanda Surb tibb mərkəzində bu virusa yoluxan və süni tənəffüs aparatına qoşulan 50 yaşlı Rafik Vardanyan da həyatını itirib.

Qeyd edək ki, sonuncu dəfə Ermənistanda Syünik vilayətinin Vaqatun kəndindən gətirilən 10 aylıq Nelli Ovsepyan bu virusdan ölüb. Bununla da Ermənistanda bu virusdan ölənlərin sayı 10-a çatıb.

Xatırladaq ki, Ermənistanda virusa 170 nəfərin yoluxduğu təsdiqlənib. Bundan öncə Ermənistan Səhiyyə Nazirliyinin rəsmi nümayəndəsi Anait Aytayan bildirib ki, ölkə xəstəxanalarda müxtəlif viruslara yoluxmuş 662 nəfər yerləşdirilib.

Eldar Tanrıverdiyev
AzVision.az



Teqlər:  





Xəbər lenti