AzVision.az xəbər verir ki, Çinin Moskvadakı səfiri Çjan Hanhuey Rusiya mətbuatına müsahibəsində belə deyib.
“Hazırda daha çox dövlət ŞƏT-ə üzv olmaq və ya onunla əməkdaşlığı gücləndirməkdə maraqlı olduğunu bildirir. Bu, təşkilat konsepsiyasının dərindən qavranılmasını və onun inkişafına inamı tam təsdiqləyir”, - çinli diplomat bildirib.
Səfir vurğulayıb ki, ŞƏT-in genişlənməsi təşkilatın ümumi gücünü və regional təsirini artırsa da, bu, qurumun heç vaxt nəzərdə tutmadığı məqsədin yox, inkişafın təbii nəticəsidir.
Onun sözlərinə görə, ŞƏT-in qapıları hər zaman yeni üzvlər üçün açıqdır, ona görə də gələcəkdə təşkilatın üzvlərinin sıraları mütləq genişlənəcək.
Maraqlıdır ki, hazırda ciddi-cəhdlə Qərbin nəzrəti altına keçməyə çalışan və buna hətta müəyyən mənada müvəffəq olan Ermənistan da ŞƏT-ə daxil olmaq üçün rəsmi şəkildə müraciət edib.
Hazırda ŞƏT öz sıralarında 10 ölkəni – Rusiya, Çin, Belarus, Qazaxıstan, Özbəkistan, Tacikistan, Qırğızıstan, Hindistan, İran və Pakistanı birləşdirir.
Xatırladaq ki, ŞƏT Dövlət Başçıları Şurasının, həmçinin “ŞƏT Plus” geniş formatda görüşü sentyabrın 1-də Çinin Tyantszin şəhərində keçiriləcək. Bundan əlavə, quruma üzv ölkələrin liderləri sentyabrın 3-də Pekində Çin xalqının Yaponiya təcavüzünə qarşı Müqavimət Müharibəsində Qələbəsinin ildönümü şərəfinə keçiriləcək təntənəli tədbirlərdə iştirak edəcəklər.
Sahil İsgəndərov
AzVision.az
Pekin: “ŞƏT genişləndirilə bilər”
25 Avqust 2025
Oxunub:949
Şanxay Əməkdaşlıq Təşkilatının (ŞƏT) sıralarına yeni ölkələr qoşulması mümükündür.
Teqlər: ŞƏT genişlənmə
Vaxtında, Aydın, Lazımlı!
-1780404767.jpg&h=120&w=187&zc=1&q=70')
