AzVision.az xəbər verir ki, “Financial Times (FT)” nəşrinin yaydığı məlumata görə, Ağ Ev bu Çin şirkətlərini “qara siyahı”ya əlavə etməyi düşünür, lakin bəzi rəsmilər bu addımın Pekinlə uzunmüddətli ticarət razılaşması əldə etmək səylərinə mənfi təsir göstərə biləcəyindən narahat olduqlarını söyləyirlər.
ABŞ-nin Ticarət nazirliyi artıq Çin şirkətlərinin siyahısını hazırlayıb, o cümlədən, xüsusən də çip istehsalçısı “ChangXin Memory Technologies” (CXMT) şirkəti də daxil olmaqla. “FT” məsələ ilə tanış olan beş mənbəyə istinadən xəbər verir ki, bu şirkətlərin “müəssisələrin siyahısı”na salınması gözlənilir.
Onların arasında həmçinin Çində aparıcı çip istehsalçısı olan “Semiconductor Manufacturing International Corporation (SMIC)” və fləş yaddaş çiplərinin əsas istehsalçısı olan “Yangtze Memory Technologies” şirkətlərinin törəmə qurumları da var.
Tramp administrasiyası bu mərhələdə əsas Çin qruplarına ixrac nəzarətinin tətbiqinin ikitərəfli danışıqları təhlükə altına sala biləcəyini düşünür.
“Çip istehsalçılarının qara siyahıya salınması ABŞ-nin hərbi məqsədlər üçün istifadə edilə bilən qabaqcıl Amerika çiplərinə və onların istehsalında istifadə olunan texnologiyaya çıxışını çətinləşdirmək üçün Vaşinqtonun növbəti cəhdidir”, - qəzet vurğulayır.
Xatırladaq ki, mayın 10-11-də İsveçrədə keçirilən Çin-Amerika ticari-iqtisadi danışıqları nəticəsində tərəflər aprelin əvvəlində tətbiq edilən əlavə rüsumları mayın 14-dən başlayaraq 10%-ə endirmək barədə razılığa gəliblər.
Sahil İsgəndərov
AzVision.az
Çin Tramp administrasiyasına nifaq salıb
17 May 2025
Oxunub:349
Mikroçiplərin istehsalı ilə məşğul olan bir sıra Çin şirkətlərinin sanksiyalara məruz qalan ixracatçılar siyahısına daxil edilməsi ehtimalı ilə bağlı ABŞ administrasiyası daxilində ciddi fikir ayrılığı var.
Vaxtında, Aydın, Lazımlı!
