ABŞ Yəmənin paytaxtını vurub - VİDEO

ABŞ Yəmənin paytaxtını vurub - VİDEO
  17 Aprel 2025    Oxunub:715
Amerika ordusu çərşənbə günü husi üsyançılarının nəzarətində olan Yəmənin paytaxtı Səna şəhərinə 14 hava zərbəsi endirib.
AzVision.az Qərb merdiasına isitnadən xəbər verir ki, husilər paytaxtın Sabayn rayonunun hücuma məruz qaldığını bildiriblər. Bundan əlavə, Yəmənin şimalındakı Əl-Cəvf əyalətində də zərbələr qeydə alınıb.

Hələlik ölən və yaralananlar barədə məlumat yoxdur.

ABŞ-ın zərbələri nəticəsində azı 70 husi öldürülüb
Xatırladaq ki, martın 15-də ABŞ prezidenti Donald Tramp Amerika ordusuna husilərə qarşı böyük zərbə endirmək əmri verdiyini bildirib. O vaxtdan bəri Amerikanın Yəmənin husilərin nəzarətində olan ərazilərinə hər gün hücumları baş verir.

“Birləşmiş Ştatlar husilərə qarşı mümkün quru hücumu təşkil etmək üçün Yəmən hökumət qüvvələri və region ölkələri ilə danışıqlar aparır. Lakin Amerika qoşunları bunda iştirak etməyəcək”, - mənbələrə istinadən edən “Bloomberg” agentliyi dünən məlumat yaymışdı.


Sahil İsgəndərov
AzVision.az


Teqlər:   ABŞ   Yəmən   zərbələr  





Xəbər lenti


Azvision.az ©2014 | Bütün hüquqları qorunur