Bu fikirlər "Forbes"də dərc olunan məqalədəndir.

Ukrayna yeni "Seth" PUA-sını işə salıb - "Forbes"

Müəllif xatırladıb ki, Rusiya və Ukrayna arasında davam edən gərgin müharibə daha çox pilotsuz təyyarələrin geniş tətbiqi ilə xarakterizə olunur. Bu isə hərbi əməliyyatların aparılmasına ciddi şəkildə təsir edir. "Bir müddət öncə sosial şəbəkələrdə PUA ilə bağlı diqqət çəkən video yayıldı. Videoda Ukrayna pilotsuz təyyarələrində Rusiya sistemlərini sıradan çıxaran zərərli proqramların olması barədə xəbərdarlıq edilir",- nəşr yazıb.

Bəzi mütəxəssislər bunu dron müharibələrində yeni dövr kimi qiymətləndirirlər. Çünki əvvəllər ələ keçirilən PUA-lar araşdırılması üçün qənimət kimi götürülürdüsə, bundan sonra pilotsuz aparatlar yerindəcə məhv edilməli olacaq.

"Reddit" yazır ki, bu zərərli proqram təminatı sayəsində USB portunu "yandırır", dronun yenidən işıqlandırılmasının və təkrar istifadəsinin qarşısını alır. Bununla da texnikaya quraşdırılmış yeni sistem və mexanizmlər ələ keçirilən dronlardan istifadəni çətinləşdirir. Bu yenilik Rusiyanı kibertəhlükəsizliyini gücləndirməyə məcbur edib: "Viruslu" PUA-lar Ukrayna pilotsuz təyyarələrinin təhlilini çətinləşdirir və onlarla mübarizə aparacaq texnologiyaların hazırlanmasını da ləngidir".

Ekspertlərin fikrincə, Kiyev bu taktikadan istifadə etməklə həm də İT sektorunda öz güclü tərəflərindən necə yararlanmasını nümayiş etdirir. Virusların döyüş dronlarına inteqrasiyası rus texnoloqlarının işini çətinləşdirəcək. Gələcəkdə bu cür üsullar digər elektron sistemlərə də şamil oluna bilər ki, bu da Rusiyanın Ukrayna avadanlığının öyrənilməsi və ya təyinatının dəyişdirilməsi imkanlarını məhdudlaşdırır.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural Tağıyev
AzVision.az