Bu il keçən illə müqayisədə yarmarkaya 25 ton az bal gətirilib

   Bu il keçən illə müqayisədə yarmarkaya 25 ton az bal gətirilib
  02 Oktyabr 2023    Oxunub:735
" Bu il toplanan arıçılıq məhsullarının həcmi keçən illə müqayisədə az olub. Ötən il yarmarkaya 120 ton bal çıxarılmışdı. Bu il çıxarılan balın həcmi 95 ton olub".
Bunu AzVision.az -a açıqlamasında Kənd Təsərrüfatı Nazirliyinin mətbuat katibi Vüqar Hüseynov deyib. O bildirib ki, bu il arıçılıq məhsullarının az olmasına səbəb iqlim dəyişikliyidir:

"Bu il bütün bölgələrdə, dağlıq və aran rayonlarında məhsul az olduğu üçün arıçılar yarmarkaya daha az məhsul gətiriblər. Yağıntıların qeyri-bərabər bölünməsi səbəbindən arıçılıq təsərrüfatlarında məhsuldarlıq əvvəlki illər qədər olmayıb. Bu tək Azərbaycanda deyil, İran, Türkiyə, Türkmənistan və digər ölkələrdə də belədir".

Aytən Zəhra
AzVision.az


Teqlər:





Xəbər lenti