Xəbər verdiyimiz kimi ermənilərə məxsus texnikalar Xankəndi-Turşsu yolunda qanunsuz olaraq asfaltlama işləri aparırdılar. Bundan sonra Azərbaycan kəskin etiraz və bəyanatlar yaydı, eləcə də ordu xüsusi tədbirlər gördü.
Bu gün isə məlum olub ki, Ermənistandan Azərbaycan ərazilərinə gətirilmiş həmin texnikalar gəldiyi kimi də geri qayıdırlar. Bu barədə məlumat yayan erməni jurnalist Bela Laertovna deyib ki, Ermənistandan gətirilmiş xüsusi texnikaların geri qaytarılmasını əks etdirən video da var.