Estoniya səfiri Rusiyanı tərk edib

Estoniya səfiri Rusiyanı tərk edib
  07 Fevral 2023    Oxunub:504
Estoniya prezidenti Alar Karis Marqus Laidreni Rusiyadakı səfir vəzifəsindən geri çağırıb. O, fevralın 7-də səhər saatlarında ölkəni tərk edib.
Bu, Rusiya ilə Estoniya arasında diplomatik münasibətlərin səviyyəsinin aşağı düşməsinin nəticəsidir. Rusiyanın Estoniyadakı səfiri Vladimir Lipaev də Tallini tərk edib Rusiyaya qayıtmalı olub.

Qeyd edək ki, Estoniya səfirindən fevralın 7-dək Rusiya ərazisini tərk etmək tələb olunub.
Bildirilib ki, Estoniyanın Rusiyadakı səfiri Xarici İşlər Nazirliyinə çağırılıb, ona Estoniya hakimiyyətinin hərəkətləri ilə bağlı sərt etiraz notası təqdim edilib.

Rusiya Xarici İşlər Nazirliyi ikitərəfli münasibətlərin belə inkişafı ilə bağlı məsuliyyətin tamamilə Estoniya tərəfinin üzərinə düşdüyünü izah edib.

Şahanə Rəhimli
AzVision.az

Teqlər:







Xəbər lenti


Azvision.az ©2014 | Bütün hüquqları qorunur