Dövlət Agentliyinin sədri BMT-nin sessiyasında çıxış edib
Dövlət Agentliyinin sədri açılış çıxışı zamanı dövlət xidmətlərinə şəffaf, səmərəli və bərabər çıxışın təmin edilməsi, vətəndaş məmnunluğuna nail olunması istiqamətində 2012-ci ildə Azərbaycan Respublikası Prezidentinin təşəbbüsü ilə yaradılmış “ASAN xidmət” tərəfindən həyata keçirilən işlərlərdən bəhs edib.
Dövlət idarəçiliyində rəqəmsal texnologiyalar və elektron hökumətin tətbiqinin genişləndirilməsinin zəruriliyinə toxunan Ülvi Mehdiyev müvafiq sahə üzrə Dövlət Agentliyi tərəfindən əldə edilmiş nailiyyətləri vurğulayıb. Qeyd olunan sahələrdə beynəlxalq əməkdaşlığın və bu çərçivədə qarşılıqlı təcrübələrin bölüşülməsinin əhəmiyyəti tədbir iştirakçılarının diqqətinə çatdırılıb.
Bundan əlavə “ASAN xidmət”in Dayanıqlı İnkişaf Məqsədlərinin müvafiq bəndlərinin həyata keçirilməsi istiqamətində əhəmiyyətli rolu vurğulanıb və hazırda 2030 Gündəliyinin “Heç kəsi geridə qoymamaq” vədi ilə bağlı öhdəliklərin yerinə yetirilməsi üzrə işlərin uğurla davam etdirildiyi bildirilib.
Açılış sessiyası zamanı Dövlət Agentliyinin sədri ilə yanaşı BMT İnsan Hüquqları üzrə Ali Komissarlığının bölmə rəhbəri və Malayziya Baş Nazirinin xüsusi məsələlər üzrə müşaviri çıxış ediblər.
Tədbir panel iştirakçıları tərəfindən edilən müxtəlif təqdimatlarla və interaktiv müzakirələrlə davam edib.
AzVision.az
Teqlər: