AzVision.az xəbər verir ki, bu barədə “Kazinform” agentliyi məlumat yayıb.
Qeyd olunub ki, maliyyə monitorinqi agentliyi maye qazın qiymətini “heç bir səbəb olmadan qaldıran” Tulepovla bağlı ilkin araşdırmaya başlayıb.
2022-ci ilin ilk günlərində Manqistau vilayətinin (Qazaxıstanın qərbində neft hasil edən rayon) Janaozen və Aktau şəhərlərinin sakinləri maye qazının qiymətinin iki dəfə artırılmasına etiraz ediblər. Qazaxıstan prezidenti Kasım-Jomart Tokayev vəziyyətə baxmaq üçün komissiyasının yaradılması barədə göstəriş verib. Yanvarın 4-də o, etirazçıların əsas tələbini yerinə yetirməyə və qazın qiymətini aşağı salmağa hazır olduğunu bəyan edib. Lakin etirazlar digər şəhərlərə də yayılıb. Ölkənin ən böyük şəhəri olan Almatıda yanvarın 4-ü axşam və 5-nə keçən gecə nümayişçilərlə təhlükəsizlik işçiləri arasında toqquşma baş verib. Tokayev insanları ehtiyatlı olmağa, daxildən və xaricdən gələn təxribatlara uymamağa çağırıb. O qeyd edib ki, mülki və hərbi idarələrə hücum çağırışları qanunsuzdur.
Prezident Manqistau vilayətində və Almatıda yanvarın 19-dək fövqəladə vəziyyət elan edib. Saat 7.00-dan 23.00-a qədər tətbiq edilən komendant saatı zamanı kütləvi tədbirlər, tətillər qadağan edilir, silah-sursat, spirtli içkilərin satışına qadağa qoyulub, silah və sursatların insanlardan müsadirə edilməsi, xüsusilə mühüm obyektlərin mühafizəsinin gücləndirilməsi nəzərdə tutulur. Almatıya giriş-çıxış məhdudlaşdırılıb, sənədlərin, insanların və nəqliyyat vasitələrinin yoxlanılmasına başlanılıb. Yanvarın 5-də səhər saatlarında Tokayev hökuməti istefaya göndərib.
Pərvanə Sultanova
AzVision.az
Qazaxıstanda qaz emalı zavodunun rəhbəri saxlanılıb
05 Yanvar 2022
Oxunub:946
Qazaxıstanın hüquq-mühafizə orqanları genişmiqyaslı etirazlardan sonra ölkənin qərbindəki Janaozen şəhərində qaz emalı zavodunun direktoru Nakbergen Tulepovu saxlayıb.
Teqlər: Qazaxıstan
Vaxtında, Aydın, Lazımlı!
