UNESCO-nun iclasında Ermənistanın təxribatına cavab verilib
Tədbirlər çərçivəsində “Silahlı münaqişə zamanı mədəni sərvətlərin qorunması haqqında” 1954-cü il tarixli Haaqa Konvensiyasının implementasiya ilə bağlı məsələlər, əməkdaşlıq istiqamətləri, Konvensiyasının icrası barədə milli hesabatların təqdim edilməsi, həmçinin İkinci Protokolun implementasiyası, yeni dövlətlərin ratifikasiyası və qoşulması, İkinci Protokolun icrası üzrə hesabatların təqdim edilməsi və eləcə də Büro üzvlərinin müəyyən edilməsi kimi məsələlərin müzakirəsi nəzərdə tutulur.
Noyabrın 29-da keçirilən Konvensiyaya tərəf dövlətlərin 14-cü iclası zamanı Konvensiyanın icrası ilə bağlı hesabatın müzakirəsi zamanı Dövlət Xidmətinin rəisi Azad Cəfərli çıxış edib. Konvensiyanın vacibliyindən danışaraq, işğaldan azad olunmuş ərazilərimizdəki abidələrin vəziyyəti ilə bağlı məlumat verib, bu istiqamətdə UNESCO Texniki Missiyasının önəmini qeyd edib.
İclas zamanı Ermənistan tərəfinin təxribat xarakterli çıxışlarına müvafiq olaraq, adekvat cavablar verilib və Ermənistan nümayəndə heyətinin iclası siyasiləşdirməsinin yolverilməzliyi diqqətə çatdırılıb.
Mədəniyyət Nazirliyinin nümayəndə heyətinin həmçinin ikinci Protokola tərəf dövlətlərin 9-cu iclası, eləcə də ikinci Protokolun Komitə iclasında iştirakı nəzərdə tutulur.
Şahanə Rəhimli
AzVision.az
Teqlər: UNESCO