Qadınlara qarşı zorakılıqla beynəlxalq mübarizə günüdür

Qadınlara qarşı zorakılıqla beynəlxalq mübarizə günüdür
  25 Noyabr 2021    Oxunub :212
Bu gün - 25 noyabr Qadınlara Qarşı Zorakılıqla Beynəlxalq Mübarizə Günüdür. Eyni zamanda Gender əsaslı zorakılığa qarşı 16 günlük fəaliyyətə də bu gündən start verilir.
AzVision.az xəbər verir ki, bu barədə BMT-nin Azərbaycandakı rezident əlaqələndiricisi Vladanka Andreevanın videomüraciətində deyilir.

"Dünyada, həmçinin Azərbaycanda çoxlu sayda qadın və qızlar hələ də zorakılığa məruz qalır. Zorakılıq aktı təkcə qadınlara və qızlara deyil, onların ailələri və başqalarına təsir edir. Buna görə də cəmiyyətlərimizdə olan bu “utanc nişanəsini” aradan qaldırmaq üçün hər kəsin iştirakına ehtiyac var. 16 günlük fəallıq kampaniyası çərçivəsində BMT-nin ölkədəki agentlikləri hökumət, vətəndaş cəmiyyəti inkişaf üzrə tərəfdaşları ilə birlikdə maarifləndirməni artırmaq və Azərbaycanda kişiləri, oğlanları qadınlara və qızlara qarşı zorakılıqla mübarizəyə cəlb etmək üçün önəmli təşəbbüslər irəli sürəcək", - rezident əlaqələndirici bildirib.

Onun sözlərinə görə, kişilər və oğlanlar, ata, qardaş, həyat yoldaşı, dost və ictimai fəal kimi gender əsaslı zorakılığa qarşı mübarizədə, həm də gender bərabərsizliyini normallaşdıran dağıdıcı stereotiplərə qarşı çıxmaqda mühüm rol oynayır: "Bu ilki Qadınlara Qarşı Zorakılıqla Beynəlxalq Mübarizə Günündə biz Azərbaycanda qadınlara və qızlara qarşı zorakılığı birdəfəlik aradan qaldırmaq üçün bütün kişiləri və oğlanları öz səylərini artırmağa çağırırıq!".

Pərvanə Sultanova
AzVision.az

Teqlər: BMT  







Xəbər lenti