Haftar prezidentliyə namizədliyini rəsmən bəyan edəcək

  23 Sentyabr 2021    Oxunub :360
Haftar prezidentliyə namizədliyini rəsmən bəyan edəcək
Liviya Milli Ordusunun komandanı vəzifəsindən müvəqqəti olaraq ayrılan feldmarşal Xəlifə Haftar yaxın günlərdə prezident seçkilərində namizədliyini rəsmən açıqlayacaq.
Azvision.az xəbər verir ki, bu barədə TASS-a ordudakı mənbə bildirib.

"Feldmarşal Xəlifə Haftar yaxın günlərdə 24 dekabrda keçiriləcək seçkilərdə Liviya prezidentliyinə namizədliyini irəli sürmək planlarını rəsmən açıqlayacaq", - mənbə bildirib.

Xatırladaq ki, çərşənbə günü Haftar ordunun komandanlığını 23 sentyabrdan 24 dekabradək general-leytenant Abdel Razzak əl-Naduriyə təhvil verib.

"General əl-Nadurinin Silahlı Qüvvələrin baş komandanı təyin edilməsi seçkilərə hazırlıq yolunda bir addımdır. Liviya tayfalarının geniş dəstəyinə sahib olan feldmarşal ölkəni terror qruplarından təmizləmək vəzifəsini davam etdirəcək", - mənbə deyib.

Regional müşahidəçilərə görə, Haftarın siyasi ambisiyaları silahlı qarşıdurma da daxil omaqla Liviya üçün yeni çətinliklər vəd edir.

Ölkədə parlament və prezident seçkiləri dekabrın 24 -nə təyin edilib.

Pərvanə Sultanova
Azvision.az

Teqlər: Liviya   Haftar  







Xəbər lenti