Paşinyandan mina xəritələri ilə bağlı etiraf

 Paşinyandan mina xəritələri ilə bağlı etiraf
  13 İyun 2021    Oxunub:2155
"Azərbaycana Ermənistanın əlində olan mina xəritələrinin hamısını deyil, bir hissəsini vermişik".

Azvision.az xəbər verir ki, bunu Ermənistanın baş naziri vəzifəsini icra edən Nikol Paşinyan deyib.

"Minalanmış ərazilərin xəritələrini təqdim etdik, lakin bu əlimizdə olan xəritələrin kiçik bir hissəsidir. Mövcud olmadığın deyə bilmərəm, ancaq az bir hissəsi idi", - deyə o bildirib.
Paşinyan bu açıqlaması ilə Ermənistan tərəfinin Azərbaycanın işğaldan azad olunmuş bütün ərazilərində basdırdığı minaların xətirəsinə sahib olduğunu etiraf edib. O, eyni zamanda İrəvanın bundan əvvəl mina xəritələrinin olmaması barədə yalanlarını da ifşa edib.

Xatırladaq ki, iyunun 12-də Ermənistan Ağdam rayonu üzrə 97 min tank və piyada əleyhinə minanı özündə əks etdirən xəritələri Azərbaycan tərəfinə təqdim edib. Bunun müqabilində 15 nəfər erməni Azərbaycan-Gürcüstan sərhədində Gürcüstan nümayəndələrinin iştirakı ilə Ermənistana təhvil verilib.

Azvision.az


Teqlər: Paşinyan  





Xəbər lenti