Məmmədyarov liderlər qrupunda mübarizə aparır

Məmmədyarov liderlər qrupunda mübarizə aparır
  10 İyun 2021    Oxunub:1233
“Grand Chess Tour” şahmat seriyasının birinci mərhələsinin beşinci turunun oyunları keçirilib.
Azvision.az xəbər verir ki, Rumıniyada keçirilən turnirdə Azərbaycan şahmatçısı Şəhriyar Məmmədyarov Rumıniya təmsilçisi Konstantin Lupuleskunu məğlub edərək ilk qələbəsini qazanıb. Teymur Rəcəbov isə Aleksandr Qrişuk (Rusiya) ilə heç-heçə edib.

Turun digər oyunlarında ABŞ təmsilçisi Fabiano Karuana niderlandlı Aniş Giri, onun həmyerlisi Uesli So Rumıniyanın digər şahmatçısı Boqdan-Daniel Dyak, fransalı Maksim Vaşye-Laqrav erməni Levon Aronyan ilə heç-heçə ediblər.

Qeyd edək ki, Ş.Məmmədyarov 3 xalla turnir cədvəlində U.So və A.Qrişuk ilə birgə ilk üç yeri bölüşür. Ondan yarım xal geri qalan T.Rəcəbov isə 6-cı sıradadır.

Seriya ümumilikdə beş mərhələdən və böyük finaldan ibarət olacaq.

Azvision.az


Teqlər: ŞəhriyarMəmmədyarov  





Xəbər lenti