“Həmas” Tel-Əvivə raket zərbələri endirdi

 “Həmas” Tel-Əvivə raket zərbələri endirdi
  15 May 2021    Oxunub:3288
“Həmas” hərəkatının silahlı qanadı olan “Əl-Qəssam briqadası” Tel-Əvivə onlarla raket atdıqlarını açıqlayıb.
Azvision.az xəbər verir ki, "Həmas"ın açıqlamasına görə, bununla İsrailin Qəzza zolağında yerləşən qaçqın düşərgəsinə etdiyi hava hücumuna cavab verilib.

Polisin yaydığı məlumata əsasən, iki raket Tel-Əvivin ətrafına düşüb və əraziyə zərər vurub. Polis əməkdaşları hadisə yerində işləyirlər. İlkin məlumatlara görə, zərbələr nəticəsində bir nəfər ölüb.

Bundan əlavə, “Əl-Qəssam briqadası" sərhəd yaxınlığındakı İsrail əsgərlərinə hücum etdiklərini bildirib. Bu məqsədlə partlayıcı vasitə quraşdırılan drondan istifadə olunub.

Qeyd edək ki, İsrailin paytaxtı Tel-Əviv şəhərində Qəzza zolağından endirilən ardıcıl raket hücumları ilə əlaqədar həyəcan siqnalı verilib.

Azvision.az


Teqlər: Qəzza   İsrail  





Xəbər lenti