Erməni əsgərin ölümü ilə bağlı cinayət işi açılıb

  15 May 2021    Oxunub :1530
 Erməni əsgərin ölümü ilə bağlı cinayət işi açılıb
Ermənistanda əsgər asılmış vəziyyətdə tapılıb.
Azvision.az xəbər verir ki, Ermənistanın İstintaq Komitəsi cümə günü asılmış vəziyyətdə tapılan əsgərlə bağlı bəzi təfərrüatları açıqlayıb. Bildirilib ki, mayın 13-də hərbi hissəni özbaşına tərk edən əsgər bir gün sonra təxminən saat 06:40 radələrində qarajda asılmış vəziyyətdə aşkarlanıb.

Faktla bağlı Ermənistanın İstintaq Komitəsinin Baş Hərbi İstintaq İdarəsində Cinayət Məcəlləsinin 110-cu maddəsi ilə cinayət işi açılıb.

Hadisənin baş vermə şəraitini aydınlaşdırmaq üçün istintaq hərəkətləri və zəruri əməliyyat-axtarış tədbirləri həyata keçirilir.

Ermənistan Müdafiə Nazirliyinin yaydığı məlumata görə, meyiti tapılan əsgər 2020-ci ildə orduya çağırılıb.

Azvision.az

Teqlər: Ermənistan   əsgər