Tağıyevin heykəli niyə qoyulmur? - “Tapşırıq gözləyirik...”
Bunu Azvision.az -a açıqlamasında heykəlin müəllifi, Xalq rəssamı Xanlar Əhmədov deyib. Onun sözlərinə görə, Tağıyevin heykəlinin ötən ilin mart ayında qoyulması nəzərdə tutulsa da, tədbir bəzi səbəblərdən gecikir.
Məsələ ilə bağlı Bakı Şəhər İcra Hakimiyyətinin İctimai-siyasi, humanitar məsələlər və dini qurumlarla iş şöbəsinin müdir müavini İsrafil Kərimovla əlaqə saxladıq. Meriya rəsmisi də mövzu barədə məlumatının olmadığını bildirib: “Gözləyirik, nə zaman tapşırıq verilərsə, o zaman icra edəcəyik”.
Qeyd edək ki, 2019-cu ildə Mədəniyyət Nazirliyi, Bakı Şəhər İcra Hakimiyyəti və Heydər Əliyev Fondunun Hacı Zeynalabdin Tağıyevin heykəlinin hazırlanması ilə bağlı keçirdiyi açıq heykəltəraşlıq müsabiqəsinə təqdim olunan 26 layihə arasından Xanlar Əhmədovun layihəsi qalib seçilib. Hacı Zeynalabdin Tağıyevin heykəlinin "İçərişəhər" metrostansiyası yaxınlığındakı meydançada (İstiqlaliyyət küçəsi) ucaldılması nəzərdə tutulur.
Şahanə Rəhimli
Azvision.az