Ermənistanda qocalar orduya cəlb olunacaq

Ermənistanda qocalar orduya cəlb olunacaq
  19 Aprel 2021    Oxunub:2250
Ermənistanda müqaviləli hərbçilər 63 yaşa qədər xidmət edə biləcəklər.

Azvision.az xəbər verir ki, "Parlaq Ermənistan" fraksiyasının təqdim etdiyi "Hərbi xidmət və hərbi qulluqçuların statusu haqqında" qanuna müvafiq dəyişikliklər layihəsi parlamentdə ikinci və son oxunuşda qəbul edilib.
Bundan əvvəl qanun layihəsinin müəllifi, “Parlaq Ermənistan” fraksiyasının rəhbəri Edmon Marukyan bildirib ki, sərhədyanı bölgələrin sakinləri, o cümlədən 50 yaşdan yuxarı kişilər, xidmət üçün uyğun olsalar da, müqavilə ilə xidmət edə bilmirlər. Onların bir çoxu həm 2016, həm də 2020-ci ildə hərbi əməliyyatlarda könüllü iştirak ediblər. Marukyan, bu vətəndaşların könüllü kimi orduya cəlb oluna bildikləri halda, müqavilə əsasında xidmətə cəlb edilməmələrinin çaşqınlıq yaratdığını söyləyib.

Ermənistan Müdafiə Nazirliyi də sözügedən qanun layihəsinə müsbət rəy verib.

Pərvanə Sultanova
Azvision.az


Teqlər: Ermənistan  





Xəbər lenti