Polşanın Qoleniou şəhərinin Mədəniyyət Evinin təşkilatçılığı və UNESCO üzrə Polşa Milli Komissiyasının dəstəyi ilə XXIII Beynəlxalq “Rəng sənəti” incəsənət festivalı keçiriləcək.

UNESCO üzrə Azərbaycan Respublikasının Milli Komissiyasından AzərTAc-a bildiriblər ki, festivalın məqsədi gənclər arasında bədii yaradıcılığın təşviq, uşaqların və yeniyetmələrin incəsənətdə dostluq və həmrəyliyinin nümayiş etdirilməsidir.

Festivalda 6-24 yaş arasında uşaqlar və gənclər “Nağıl, əfsanə və rəvayətlər ölkəsində” mövzusunda rəssamlıq, qrafika və fotoqrafçılıq sahələrində əsərlərlə iştirak edə bilərlər. Müsabiqədə iştirak etmək üçün əsərlər ən geci cari il martın 1-dək UNESCO üzrə Azərbaycan Respublikasının Milli Komissiyasına göndərilməlidir. Qaliblərin mükafatlandırılması mərasiminin Polşada təşkil edilməsi nəzərdə tutulur. Əsərlər beynəlxalq sərgilərdə nümayiş etdiriləcək.

Müsabiqə ilə bağlı əlavə məlumatı https://azvision.az/redirect.php?url=http://www.gdk.goleniow.pl/aktualnosci/informacje-z-gdk/item/381-xxiii-miedzynarodowy-festiwal-sztuki-pieknej-color-art linkindən əldə etmək olar.