“Qarabağ”ın oyunu təxirə salındı

“Qarabağ”ın oyunu təxirə salındı
  29 Sentyabr 2020    Oxunub:3264
Azərbaycan Premyer Liqasının V turunun “Qarabağ” – “Səbail” oyunu təxirə salınıb.
Azvision.az -ın məlumatına görə, bu barədə qərarı Peşəkar Futbol Liqası (PFL) verib.

Qeyri-müəyyən vaxta təxirə salınan matçın tarixi sonradan dəqiqləşəcək. Qarşılaşmanın təxirə salınması AFFA-nın istəyi ilə gerçəkləşib.

Assosiasiya PFL-a müraciət edərək Azərbaycan yığmasının Millətlər Liqasındakı növbəti iki matçına daha yaxşı hazırlaşması məqsədilə oyunun təxirə salınmasını istəyib. AFFA-nın müraciətini, milli komandanın mənafeyini və adıçəkilən klubların razılığını rəhbər tutan qurum görüşün təxirə salınmasına qərar verib.

Qeyd edək ki, millimiz oktyabrın 10-da Monteneqro ilə səfər, 13-də Kiprlə ev oyunu keçirəcək.

Azvision.az


Teqlər: Qarabağ   Oyun  





Xəbər lenti