Azvision.az "Reuters”ə istinadən xəbər verir ki, buna səbəb koronavirus infeksiyasının ölkədə yayıla bilmə ehtimalıdır.

Daha əvvəl siyasi partiyalar seçkilərin azad və ədalətli olmasını təmin edəcək seçki kampaniyası keçirməyin mümkün olmayacağını iddia etdikləri üçün prosesi təxirə salmağa çağırıblar.

“Yekun tarix 17 oktyabrdır. Bu, partiyalara kampaniyanın keçirilməsi şərtlərini planlaşdırmaq üçün kifayət qədər vaxt verir", - Baş Nazir deyib.

O, seçkilərin növbəti dəfə gecikdirilməsini istisna edib.

“Hamımız eyni qayıqdayıq. Hamımız eyni mühitdə təşviqat aparırıq”, - deyə Yeni Zelandiyanın hökumət başçısı əlavə edib.

Agentlik qeyd edir ki, seçki nə qədər erkən keçirilsə, Ardern daha çox dəstək alacaq, çünki ölkədə COVID-19-a qarşı uğurlu mübarizə sayəsində populyarlığı artıb.

Qeyd edək ki, avqustun 11-də 102 gün ərzində ilk dəfə Yeni Zelandiyada koronavirusa dörd yoluxma faktı aşkarlanıb. Bu, virusun ölkədaxili yayılması kimi qiymətləndirilib və qabaqlayıcı tədbirlər tətbiq olunmağa başlayıb.

Pərvanə Sultanova
Azvision.az