Rusiyada koronavirusun məhv edilməsi üsulu tapılıb

  03 Aprel 2020    Oxunub : 2220
 Rusiyada koronavirusun məhv edilməsi üsulu tapılıb
Rusiya alimləri bakteriya, göbələk və viruslara qarşı effektiv mübarizə aparmaq üsulu tapıblar.

Azvision.az xəbər verir ki, bu barədə Azərbaycan Milli Elmlər Akademiyası (AMEA) məlumat yayıb. Bildirilib ki, mütəxəssislər soyuq plazma ilə emal edilmiş suyun hətta koronavirusa qarşı öldürücü silah ola biləcəyini müəyyənləşdiriblər.
İnfeksiyanın yayılması fonunda hava ilə yanaşı, virusun yerləşə biləcəyi səthlərin də dezinfeksiya olunması əhəmiyyətlidir.

Mütəxəssislər tərəfindən hazırlanmış maye orqanizm üçün tamamilə təhlükəsizdir. “Maqnaril” adlandırılan mayedə zülallar məhv olur və maye quruduqdan sonra səthdə heç bir virus qalmır.

Belə mayedən maskaların və müxtəlif əşyaların təmizlənməsi üçün istifadə etmək olar. O, istehsal üçün kifayət qədər sərfəlidir.

Azvision.az

Teqlər: AMEA   Rusiya