Bakıda “Formula-1” yarışı yanvarda keçirilə bilər

  31 Mart 2020    Oxunub : 1845
 Bakıda “Formula-1” yarışı yanvarda keçirilə bilər
“Formula-1” komandaları belə ağır vəziyyəti nəzərə alaraq, təqvimin qurulması ilə bağlı bütün səlahiyyətləri seriya rəhbərliyinə verib”.
Bunu “Formula-1” üzrə “Ferrari” komandasının rəhbəri Mattia Binotto deyib. O bildirib ki, iştirakçılar və təşkilatçılar koronavirus pandemiyası üzündən 8 mərhələsi baş tutmayan cari mövsümü xilas etmək üçün müxtəlif variantları nəzərdən keçirir:

“Qran-Priləri üç gündən ikiyə endirmək variantı var. Belə olan halda cümə məşqləri ləğv ediləcək. Hamı razıdır ki, yanvarda havanın imkan verdiyi yerlərdə yarışların keçirilməsi ilə razıdır. Niyə 2-3 mərhələni yanvarda keçirməyək ki? Mövsümü daha dolğun etmək üçün hamı hər şeyi dəstəkləyirik. Çox ideyalar var. Daha sıx qrafik, qışda Qran-Prilər və daha nələr. Bunların hamısı mövsümü xilas etmək üçündür”.

Qeyd edək ki, 2 mərhələ - Avstraliya və Monako Qran-Priləri ləğv olunub. Daha 6 mərhələ - Bəhreyn, Vyetnam, Çin, Niderland, İspaniya, Monako və Bakıda keçirilməli olan Azərbaycan Qran-Priləri qeyri-müəyyən müddətə təxirə salınıb. Bu 6 yarışdan bəziləri, o cümlədən Bakı yanvarda mərhələ qəbul etmək üçün münasib sayılır. (APA)



Azvision.az

Teqlər: Formula-1