İtaliyadan Aİ-yə sərt tənqid: “İlanlar və çaqqallar mağarasıdır”

  28 Mart 2020    Oxunub : 1965
 İtaliyadan Aİ-yə sərt tənqid: “İlanlar və çaqqallar mağarasıdır”
İtaliyanın sabiq Baş Naziri və ana müxalifət partiyasının lideri Mateo Salvini Avropa İttifaqını sərt tənqid edib.

Azvision.az xəbər verir ki, Salvini "Twitter" hesabından etdiyi paylaşımda Aİ-ni İtaliyada koronavirusdan ölənlərə biganəlik nümayiş etdirməkdə günahlandırıb.
Sabiq Baş Nazir Aİ-ni ilanlar və çaqqallar mağarasına bənzədib: "Avropa İttifaqına nifrət edirəm. Hətta diksinirəm. Sanki ittifaq yox, ilanlar və çaqqallar mağarasıdır. Biz əvvəlcə virusu məğlub edəcəyik. Sonra Aİ barədə düşünəcəyik. Lazm gələrsə, təşəkkür etmədən Aİ-ni tərk edəcəyik".

Qeyd edək ki, İtaliyada ötən gün yeni növ koronavirusdan ölənlərin sayı 969 nəfər artaraq 9134-ə çatıb.



Kənan Məmmədov
Azvision.az

Teqlər: İtaliya   Koronavirus